د ا.ا.ا د عامې روغتیا وزیر، ښاغلي مولوي نور جلال جلالي په خپل کاري دفتر کې د جوزجان له والي، ښاغلي ګل حیدر شفق سره لیدنه ترسره کړه
په دې لیدنه کې د نويو روغتونونو جوړېدو، با کیفیته روغتیايي خدمتونو وړاندې کېدو او پراختیا اړوند خبرې وشوې.
د جوزجان والي د دې ولایت په یو شمېر ولسوالیو کې د نویو روغتونونو جوړېدو، ځینو روغتیايي مرکزونو ته د ارتقاء ورکولو او د روغتیايي خدمتونو د کیفیت ښه والي او پراختیا غوښتونکی شو.
د عامې روغتیا وزیر، ښاغلي مولوي نور جلال جلالي ډاډ ورکړ، چې په یاد ولایت کې د روغتیايي خدمتونو ارزونې وروسته به په یو شمېر برخو کې تغیرات رامنځته او اړینه همکاري به ترسره شي.
