د ا.ا.ا د عامې روغتیا وزیر، ښاغلي مولوي نور جلال جلالي او مل پلاوي د روږدو درملنې پر روغتون د برید له ټپیانو څخه ليدنه وکړه
د عامې روغتیا وزیر او مل پلاوي په وزیر محمد اکبر خان ملي او تخصصي روغتون کې د پاکستان له لوري د روږدو درملنې پر روغتون د وحشيانه برید له امله د ټپي شويو هېوادوالو احوال واخيست؛ د روغتیايي کارکوونکو هڅې یې وستایلې او ټینګار یې وکړ، چې د ټپیانو لازمه درملنه ترسره او خپلو مسؤليتونو ته پوره پاملرنه وکړي.
دغه راز، ښاغلي وزیر د پاکستان له لوري د روږدو درملنې پر روغتون د شوي وحشیانه برید له ټپیانو سره په لیدنه کې د هغوی د روغتيا هيله څرګنده او د بشپړې پاملرنې ډاډ یې ورکړ.
