خوست ولایت کې یو روغتیایي مرکز فعال او ګټې اخیستنې ته وسپارل شو
د خوست عامې روغتیا ریاست له لوري د دغه ولایت مرکز اړوند سورواک سیمه کې کلونه وړاندې جوړ شوی روغتیايي مرکز فعال او ګټې اخیستنې ته وسپارل شو.
په همدې موخه جوړو شویو مراسمو کې د خوست عامې روغتیا رئیس ډاکټر احمد مجاهد وویل: دغه روغتیايي مرکز چې اوس مهال د ابتدایه روغتیايي خدمتونو(BHC)په کچه فعال شو، د سیمې ۱۵۰۰۰ اوسېدونکو ته به په کې روغتیايي خدمتونه چې پخوا ورڅخه بې برخې وو وړاندې کېږي.
نوموړي دغه راز زیاته کړه چې د اوس لپاره به په یاد روغتیايي مرکز کې خلکو ته ۸ ساعته روغتیایي خدمات وړاندې کېږي، خو په پام کې لري چې ډېر ژر به یاد خدمات ۲۴ ساعتونو ته پراخ شي.
