خوست ولایت کې له خصوصي روغتیایي سکټور، د خوراکي توکو له یو شمېر تولیدي کارخونو او عمده پلورنځیو څخه نظارت ترسره شو
یاد نظارت د خوست د عامې روغتیا ریاست مسؤلینو له لوري ترسره شو، چې پایله کې یې پنځه درملتونونه د غیر قانوني فعالیت، دوه روغتیایي کتنځایونه، یوه اکسری خونه او پنځه لابراتوارونه د قانوني د جواز نه لرلو له امله وتړل شول.
دغه راز، د یاد نظارت په ترڅ کې ۳۷۸ کارتنه بېلابېلو له نېټې تېر خوراکي توکي او ۵۳ قلمه له نېټې تېر درمل، چې ۵۰ کیلو ګرامه کېږي، راټول او د له منځه وړلو په موخه مرکزي ګودام ته ولېږدول شول.
