ا.ا.ا د عامې روغتیا وزیر، ښاغلي مولوي نور جلال جلالي په خپل کاري دفتر کې د غزني له والي سره د روغتیایي خدماتو اړوند ستونزو حل په موخه ناسته تر سره کړه
په دې ناسته کې د غزني والي ښاغلي مولوي عبد الصمد جاويد، چې د یاد ولایت د عامې روغتیا رئیس ډاکټر رسول خان نظري یې هم ملتیا کوله، د روغتیایي خدماتو په برخه کې یو شمېر ستونزې او وړاندیزونه له ښاغلي وزیر سره شریک کړل او همدارنګه، د نیمه پاتې پروژو د چارو چټکتیا او روغتیایي خدماتو د پراختیا غوښتنه یې ترې وکړه.
د عامې روغتیا ښاغلي وزیر ډاډ ورکړ، چې غزني ولایت کې به د نیمه پاتې پروژو چارې چټکې او شته ستونزو ته به پر وخت رسېدنه وکړي، څو په دغه ولایت کې د خلکو روغتیايي ستونزې حل او خدمات معیاري شي.
