د پېښو د رسېدو په موخه د امارتي عالي کمېسیون فوق العاده ناسته ترسره شوه
یاده ناسته چې د ریاست الوزرا اقتصادي مرستیال، ښاغلي ملا عبدالغني برادر په مشرۍ جوړه شوې وه په کې د عامې روغتیا وزارت د مالي او اداري چارو مرستیال، ښاغلي مولوي محمد اسحاق صاحبزاده هم ګډون کړی و، چې پېښو او په هېواد کې د ورستیو سېلابونو له امله زیانمنو شویو ته د بېړنیو خدمتونو رسېدو په اړه په کې بحث او خبرې ترسره شوې.
د عامې روغتیا وزارت د مالي او اداري چارو مرستیال، ښاغلي مولوي محمد اسحاق صاحبزاده د روغتیايي خدمتونو د وړاندې کولو په برخه کې بشپړ ډاډ ورکړ او ویې ویل، زموږ مجهز روغتیايي ټیمونه په یادو ولایتونو کې د سیلابونو له امله زیانمنو ټپیانو درملنې ته بشپړ چمتوالی لري.
