له ملګري ملتونو، د روغتيا نړيوال سازمان او يونيسف له استازو سره د عامې روغتیا سرپرست وزير ، غونډه
شنبه، ثور ۳۱/ ۱۴۰۱
د عامې روغتیا سرپرست وزیر ډاکټر قلندر عباد، له ملګري ملتونو، د روغتيا نړيوال سازمان او يونيسف استازو سره په خپل کاري دفتر کې وکتل.
په دې کتنه کې، د عامې روغتیا سرپرست وزير د دغو ادارو د ګډو همکاریو د پیاوړتیا او د روغتیایي خدمتونو وړاندې کولو د ښه والي لپاره د نظر تبادله وشوه.
ډاکټر عباد، د روغتيايي برخې ننګونې د دغو ادارو له استازو سره شریکې او د هغوی د لا همکاریو او په ځانګړي توګه په لرو پرتو سيمو کې د لومړنيو روغتيايي خدمتونو د پياوړتيا، د سرطان د درملنې، د واکسین خدمتونو د پیاوړتیا، او ، د روږدو کسانو د درملنې غوښتنکى شو.
ډاکټر عباد د نړيوالو ادارو د کړنو د شفافیت او حساب ورکولو په اهمیت ټینګار وکړ او د دغو ادارو پر استازو يې غږ وکړ چې د عامې روغتیا وزارت سره په دې برخه کې په بشپړه توګه همکاري وکړي.
د دغو ادارو استازو هم د عامې روغتیا وزارت د مشرتابه د خپلو ګډو همکاریو سره ټینګار وکړ او د شفافیت او حساب ورکولو ژمنه يې وکړه.
