یک پایه ماشین تولید کلور‌ین ( Maxi-Wata device Sodium hypochlorite ) در شفاخانه ولایتی ولایت سمنگان نصب و فعال گردید
این ماشین به ارزش ۸۲۰۰ دالر آمریکایی به حمایت مالی دفتر یونسیف خریداری و در شفاخانه ولایتی شهید داکتر کرام الدین وکیل زادهٔ نصب گردیده است که قدرت تولید ۶۵ لیتر کلور‌ین را در ظرف ۴ ساعت دارد.
مولوی محب الله بهاری رییس صحت‌عامه ولایت سمنگان، از همکاری اداره یونسیف ابراز تشکر نموده و فعال شدن این ماشین را در شفاخانه ولایتی سمنگان یک گام موثر در راستای عرضه خدمات صحی با کیفیت برای نیازمندان در این ولایت می‌داند.
