معین عرضه خدمات صحی در دفتر کارش جلسه تعقیبی دایر نمود

محترم مولوی عبدالولی حقانی معین عرضه خدمات صحی وزارت صحت‌عامه، به خاطر حل مشکلات و تقویت سیستم صحی با رییسان شفاخانه های مرکزی در دفتر کارش جلسه تعقیبی دایر نمود.
در این دیدار رییسان طب معالجوی، طب وقایوی، شفاخانه های تخصصی و ثالثی و ریاست مالی وزارت صحت‌عامه اشتراک داشتند و در مورد هماهنگی بیشتر، عرضه خدمات معیاری به بیماران و رسیده گی به مشکلات بیماران صحبت نمودند.
محترم مولوی عبدالولی حقانی معین عرضه خدمات صحی وزارت صحت‌عامه، با اشاره به ارائه خدمات صحی معیاری به طور مساوی به شهروندان کشور گفت:" وزارت صحت‌عامه در تلاش است تا یکجا با همکاران خود به مشکلات  صحی رسیده گی نموده و سیستم صحی کشور را تقویت نماید تا زمینه ارایه خدمات صحی معیاری به همه شهروندان در کشور فراهم گردد."
همچنان معین عرضه خدمات صحی وزارت صحت‌عامه، از مسوولان ادارات یاد شده خواست؛ تا در راستای تقویت نظام صحی کشور و رفع مشکلات صحی و تداوی شهروندان به صورت واقعی به وظایف خود عمل نمایند.