د عامې روغتیا وزیر د ننګرهار سیمه ییز روغتون څخه لیدنه وکړه
د افغانستان اسلامي امارت د عامې روغتیا وزیر، ښاغلي مولوي نور جلال جلالي او ورسره مل پلاوي ننګرهار ولایت ته د خپل سفر پر مهال د دې ولایت له سیمه ییز روغتون څخه لیدنه وکړه.
په دې لیدنه کې چې د ننګرهار د عامې روغتیا رئیس، مولوي امین الله شریف یې هم ملتیا کوله د عامې روغتیا وزیر، ښاغلي مولوي نور جلال جلالي د سیمه ییز روغتون د بېلا بېلو څانګو څخه د نږدې لیدنې سربېره د شته نیمګړتیاوو د حل په موخه روغتیایي کارکوونکو او مسئولینو ته لازمې سپارښتنې ترسره او د معیاري روغتیایي خدمتونو پر وړاندې کېدو یې ټینګار وکړ.
