د عامې روغتیا وزارت د داخلي تفتیش رئیس له لوري د دایکندي روغتیایي خدمتونو ارزونه
د عامې روغتیا وزارت د داخلي تفتیش رئیس، مولوي محمد سلیم حقاني دایکندي ولایت ته د سفر پر مهال د مل تخنیکي ټیم سره په ګډه د روغتیايي خدمتونو ارزونې په موخه له ولایتي روغتون څخه لیدنه وکړه
په دې لیدنه کې د عامې روغتیا وزارت د داخلي تفتیش رئیس، مولوي محمد سليم حقاني د مل تخنیکي ټیم سره په ګډه د ولایتي روغتون خدمتونه و ارزول، ستونزې یې په نښه او د حل په موخه یې له مسؤلینو او روغتیايي کارکوونکو سره شریکې کړې.
د داخلي تفتیش رئیس همداراز، د دایکندي ولایت د روږدو ناروغانو درملنې روغتون څخه هم لیدنه وکړه او له روغتیايي کارکوونکو څخه یې وغوښتل، چې د ناروغانو ستونزو ته پر وخت رسېدنه ترسره او پر ښه چلند سربېره ورته معیاري خدمات وړاندې کړي.
