د عامې روغتیا وزارت د خصوصي روغتیايي علومو انسټیټیوټونو ریاست خبرتیا!
موضوع: د هغو کسانو د نوملیکنې او ازموینې د اعلان په اړه چې له هېواد څخه بهر یې زده کړې کړې دي.
د عامې روغتیا وزارت د خصوصي روغتیايي علومو انسټیټیوټونو ریاست د خپل کاري پلان له مخې غواړي د هغې منځنۍ کچې طبي کادرونو د ارزونې ازموینه واخلي، چې له هېواد څخه بهر روزل شوي دي.
له همدې امله، د نوملیکنې لپاره غوښتونکي بايد د ۱۴۰۵/۳/۲۴ څخه تر ۱۴۰۵/۵/۲۴ نېټې پورې (د دوو میاشتو لپاره)، د منظور شوې لایحې مطابق د خصوصي روغتیايي علومو انسټیټیوټونو ریاست، د بهرنیو اسنادو ارزونې عمومي مدیریت ته مراجعه وکړي.
د یادونې وړ ده، چې ازموینه به په ۱۴۰۵/۵/۲۶ نېټه د عامې روغتیا وزارت عمومي تالار کې د ماسپښین په ۲:۰۰ بجو واخیستل شي.
هغه کسان چې له هېواده بهر یې زده کړې کړې دي، د نوملیکنې لپاره باید له لاندې څانګو څخه په یوه کې سند ولري:
نرسنګ، فزیوتراپي ټکنيش، لابراتوار ټکنيش، فارمسي ټکنيش، اکسری ټکنيش، د سترګو ټکنيش، د غاښونو ټکنيش، انستیزي ټکنيش
که چېرې اشخاص د نرسنګ او قابلګۍ سند ولري، نو د انستیزۍ په څانګه کې به ارزول کېږي. همدارنګه، په هره یادې شوې څانګه کې باید لږ تر لږه دوه کاله له هېواده بهر زده کړې کړې وي.
د ازموینې د ګډون شرایط:
۱- د افغانستان تابعیت لرل.
۲- د دولسم ټولګي د فراغت سند لرل، چې د پوهنې وزارت له خوا تایید شوی وي.
۳- عمر یې له ۵۰ کلونو څخه زیات نه وي.
۴- د زدهکړې سند لرل، چې د بهرنیو چارو وزارت له لوري تایید شوی وي.
۵- هغه کسان چې مخکې په کومه طبي څانګه کې ارزول شوي وي، په نورو څانګو کې نه ارزول کېږي؛ او که بریالي هم وپېژندل شي، پایلې به یې نه ابلاغ کېږي. دا ازموینه یوازې د مسلکي څانګې د تثبیت لپاره اخیستل کېږي، نه د تحصیلي کچې د تثبیت لپاره.
نوټ: غوښتونکي باید د مراجعه پر مهال لاندې اصلي اسناد له ځان سره ولري: د تابعیت تذکره، د دولسم ټولګي د فراغت سند (د پوهنې وزارت له تایید سره) مسلکي تعلیمي سند، اصلي ټرانسکرېپټ (د نمرو جدول)، یوازې د کاپي اسنادو پر بنسټ اجراآت نه ترسره کېږي. د هرې څانګې د ازموینې مراجع (ریفرنسونه) له دې خبرتیا سره ضمیمه او خپاره شوي دي.
