ښاغلی حديد الله ذاکري د عامې روغتيا وزارت د مرستو د همغږۍ او روغتيايي سیستم د پیاوړتیا رياست د رئيس په توګه وټاکل شو
د افغانستان اسلامي امارت د عالیقدر رياست الوزراء عالي مقام د حکم پر بنسټ ښاغلی حديد الله ذاکري د عامې روغتيا وزارت د مرستو د همغږۍ او روغتيايي سیستم د پیاوړتیا رياست د رئيس په توګه وټاکل شو.
د نوموړي د معرفت په مراسمو کې د عامې روغتيا وزارت د مالي او اداري چارو مرستیال، مولوي محمد اسحق صاحبزاده، د عامې روغتيا وزارت د مقام د دفتر رئيس، ملا محمد حسن محمدزي او د ياد رياست کارکوونکو شتون درلود.
د مالي او اداري چارو مرستیال، مولوي محمد اسحق صاحبزاده، ښاغلي ذاکري ته د ولس د ښه خدمت او په نوې دنده او مسئولیت کې د بریالیتوب دعا وکړه.
ښاغلی حدید الله ذاکري تر دې وړاندې د عالیقدر رياست الوزراء عالي مقام د سياسي معاونيت د سیاسي انسجام د رئيس او همداراز د روغتیا وزارت د سلاکار په توګه دندې سرته رسولي دي.
