دعامې روغتیاوزارت مالي اواداري مرستیال مولوي محمد اسحق صاحبزاده دولایتي سفرونو په لړدزابل صحی خدماتو د وړاندی کولو څخه لیدنه وکړه
د عامې روغتیا وزارت مالي او اداري مرستیال مولوي محمد اسحق صاحبزاده د ولایتي سفر په دوام د شنبې په ورځ دربیع الاول دمیاشتې په ۲۶مه نېټه د زابل ولایت د شاجوی ولسوالۍ له روغتون څخه لیدنه وکړه.
دعامې روغتیا وزارت مالي او اداري مرستيال د دغې ولسوالۍ خلکو ته دباکیفیته اوغوره روغتیايي خدمتونو په وړاندې کولو کې ددغه روغتون د رهبرۍ او روغتيايي کارکوونکو له خدمتونو څخه مننه وکړه او زیاته یې کړه: د افغانستان اسلامي امارت او په ځانګړې توګه د عامې روغتیا وزارت د هغو هڅو ستاینه کوي، چې په ټول افغانستان کې په روغتیايي مرکزونو کې د روغتیايي کارکوونکو له خوا خلکو ته وړاندې کيږي.
همدا راز د عامې روغتیا وزارت مالیې او اداري مرستيال د زابل ولایت له والي سره په قلات ښار کې وکتل
شنبه د ۱۴۴۴ کال د ربیع الاول ۲۶ نیټه د عامی روغتیا وزارت مالی او اداری معین د زابل ولایت له والی محترم مولوی قدرت الله ابو حمزه سره وکتل. دغه غونډه چې د زابل ولایت مقام په دفتر کې جوړه شوې وه د زابل ولایت د اقتصاد رئیس الحاج مولوي عزت الله ( امیر صاحب) هم ګډون درلود.
په دې کتنه کې د زابل والي د عامې روغتیا وزارت له پلانونو خپل ملاتړ اعلان کړ او زیاته یې کړه: د شته امکاناتو پر بنسټ موږ هڅه کوو چې د زابل ولایت ټولو اوسېدونکو ته روغتیايي خدمات وړاندې کړو او هیڅوک به په دغه ولایت کې له باکیفیته روغتیايي خدمتونو بې برخې نشي.»
د عامې روغتیا وزارت مالي او اداري مرستيال په دې کتنه کې په دغه ولایت کې د عامې روغتیا وزارت له پروګرامونو سره د زابل د والي له ملاتړ څخه قدرداني وکړه او وې ویل: روغتیايي کارکوونکي د هېوادوالو په خدمت کې دي او د دې ولایت خلکو ته د شته شرایطو سره سم د دې خاورې دردمنو او مظلومو خلکو ته بې له ځنډه روغتیايي خدمات وړاندې کوي.
د دې ناستې په څنډه کې د زابل د ولایتي روغتون د ودانۍ د بشپړیدو په اړه هم خبرې وشوې.
