یک ورکشاپ آموزشی پلان‌گذاری و ثبت نیازمندی‌ها در معینیت غذا و ادویه برگزار شد
ورکشاپ یک‌روزهٔ رهنمود ثبت دقیق نیازمندی‌ها و ترتیب پلان تدارکاتی برای سال مالی آینده، با اشتراک آمرین و مدیران اجرائیوی ریاست‌ها و آمریت‌های مستقل معینیت غذا و ادویه، در تالار عمومی این معینیت برگزار شد.
در این برنامه، مسوولان، در مورد اهمیت پلان‌گذاری دقیق، شناسایی نیازمندی‌های واقعی، ثبت درست معلومات، مدیریت اجناس و استفادهٔ مؤثر از منابع مالی معلومات ارائه کردند. همچنان،آنان شیوهٔ تکمیل فورمه‌ها و ترتیب پلان تدارکاتی را نیز برای اشتراک‌کننده گان تشریح نمودند.
این ورکشاپ به‌منظور ارتقای ظرفیت مسؤولان اداری، بهبود روند پلان‌گذاری و تدارکات، تأمین شفافیت در ثبت نیازمندی‌ها و جلوگیری از مصارف غیرضروری برگزار گردید.
