په پکتیا ولایت کې شپږ روغتیايي کلینیکونه د ۳،۲ مېلیونو افغانیو په ارزښت ګټې اخستنې ته وسپارل شول
د پکتیا د عامې روغتیا رئيس، صدرالدین عزام وايي چې ددې ولایت په شپږو سپینو ساحو کې د ۳،۲ مېلیونه افغانیو په ارزښت شپږ روغتیايي کلینیکونه ګټې اخستنې ته وسپارل شول.
دغه کلینیکونه د دې ولایت په پنځو ولسوالیو ( ډنډې پټان، جاني خېلو، ګردي څېړۍ، سیدکرم او میرزکه ) کې خدمات پیل کړل چې په دغو کلینیکونو کې پنځه SHC او یو BHC کلینیک دی.
د پکتيا د عامې روغتيا رياست د معلوماتو له مخې د اسلامي امارت په راتګ سره تر دې مهاله په دې ولایت کې ۱۷ ځايي روغتيايي کلينيکونو، ۱۰ نوي موبائيل ټيمونه او تر ۴۰۰ پورې بشري قوه د روغتيا په برخه کې په کار ګمارل شوې.
