د ننګرهار روږدو ناروغانو درملنې ۱۷۰ بستریز روغتون طبي کارکوونکو ته د ظرفیت لوړونې په موخه ۵ ورځنی روزنیز ټریننګ پیل شو
یاد ټریننګ چې د ننګرهار عامې روغتیا ریاست په هلو ځلو او د روغتیا نړیوال سازمان په مالي همکارۍ پیل شو، د پرانیستې پر مهال یې د ننګرهار عامې روغتیا رئیس الحاج امین الله شریف، د روږدو ناروغانو درملنې ۱۷۰ بستریز روغتون آمر او MMRCA مؤسسې استازو ګډون کړی و.
د ننګرهار عامې روغتیا رئیس، د دغه ټریننګ موخه د روغتیايي پرسونل ظرفیت لوړول یاد کړل، ورته روزنیز پروګرامونو یې د روغتیايي کارکوونکو د پوهې او تجربو په ترلاسه کولو کې مهم وبلل او له ګډونوالو یې وغوښتل، چې په ټریننګ کې شامل موضوعات زده او په اړوندو برخو کې یې عملي کړي.
د یادونې وړ ده، چې وړاندې هم د نوموړي روغتون کارکوونکو ته په یو شمېر نورو برخو کې د ظرفیت لوړونې په موخه روزنیز ټریننګونه ورکړل شوي دي.
