د اکمال تخصص لوی ریاست خبرتیا!
د اکمال تخصص لوی ریاست له لوري د لیکلي بشپړې ازموینې (Comprehensive) اخیستلو لړۍ پیل شوې او دا پروګرام به دوام ولري.
د عامې روغتیا وزارت د محترم مقام د حکم له په اساس، د (Comprehensive) ازموینې اخیستلو لړۍ د پنجشنبې په ورځ د ۱۳/۲/۱۴۴۷ نېټه د عامې روغتیا وزارت د تخصصي روغتونونو د درنو استادانو او د ازموینو ملي محترمې ادارې په همکارۍ، له هغو (۸۵۸) تنو درنو کاندیدانو څخه چې د مرکز او ولایتونو د تخصصي روغتونونو د شرایطو لرونکي وو او له دې وړاندې د اکمال تخصص لوی ریاست او د ازموینو ملي ادارې له لارې د آنلاین پروسې په واسطه یې ثبت نام شوی وو، په ۲۸ رشتو کې په رسمي ډول پیل شوه او دغه لړۍ به د راتلونکي دوشنبې تر ورځې ۱۷/۲/۱۴۴۷ نېټې، دوام ولري.
یاده دې وي چې د نوموړې ازموینې د اخیستلو لړۍ د اړوندو مراجعو د باصلاحیته ښاغلو استازو او د عامې روغتیا وزارت د اکمال تخصص لوی رئیس په حضور کې تر څارنې لاندې ترسره شوه.
د اکمال تخصص لوی ریاست تل هڅه کړې، چې د تخصص پروګرام د بډاینې، د ډاکترانو د پوهې د کچې لوړولو او د خپلو ګرانو هېوادوالو لپاره د تخصصي روغتیايي خدمتونو وړاندې کولو په موخه علمي معیارونه په هېواد کې پلي کړي.
