د عامې روغتیا وزیر د میدان وردګ له والي سره وکتل
د عامې روغتیا وزیر، ښاغلي مولوي نور جلال جلالي په خپل کاري دفتر کې د میدان وردګ له والي، ښاغلي قاري بختیار معاذ سره لیدنه ترسره کړه
په دې لیدنه کې د میدان وردګ ولایت په روغتیايي برخه کې د شته ستونزو اړوند بحث او خبرې ترسره شوې.
د عامې روغتیا وزیر، ښاغلي مولوي نور جلال جلالي د روغتیا په برخه کې د دې ولایت ستونزې واورېدې او په اړه یې د لازمو اقداماتو ترسره کېدو ډاډ ورکړ.
له بل لوري د میدان وردګ والي په دې ولایت کې د موجوده ستونزو د حل په برخه کې د لازمو اقداماتو ترسره کېدو په موخه د عامې روغتیا وزیر څخه مننه وکړه او په چارو کې ورته د بریالیتوب غوښتونکی شو.
