وزیر صحتعامه از مرکز صحی اساسی یوخ دیدن نمود
محترم داکتر قلندرعباد وزیر صحتعامه امارت اسلامی افغانستان و هیآت همراه شان در سفرش به ولایت تخار از مرکز صحی اساسی یوخ که در ولسوالی فرخار این ولایت موقعیت دارد دیدن نمود.
در این دیدار محترم وزیر صحتعامه کشور، ضمن تشکر از کارکردهای کارمندان صحی به خاطر ارایه خدمات صحی به نیاز مندان از آنان خواست تا در قسمت رسیده گی به وضعیت صحی بیماران و آسیب دیده گان از سیلاب اخیر در ولایت تخار تلاش بیشتر نمایند.
همچنان کارمندان مرکز صحی اساسی یوخ ولایت تخار، تشریف آوری محترم وزیرصحتعامه وهیآت همراه شان را به ولایت تخار خیر مقدم گفته و وعده سپردند که در قسمت رسیده گی به وضعیت صحی بیماران در این ولایت از هیچ نوع سعی وتلاش دریغ نخواهند ورزید.
