د عامې روغتیا وزارت د اکمال تخصص لوی ریاست د ډېټابېس سیستم جوړ او پرانیستل شو

یاد سیستم د عامې روغتیا وزارت د اکمال تخصص لوی ریاست اړوند، د ډېټابېس آمریت او د روغتیا نړیوال سازمان په تخنیکي همکارۍ د شپږو میاشتو په موده کې جوړ او د ابن سینا بېړني تخصصي روغتون کې پرانیستل شو.

په دې ډېټابېس سیستم کې به د ټریني ډاکټرانو، ټرینر متخصصینو، شف ټریننګ او شف ډیپارټمنټ پوښتنو ته په عملي او نظري توګه ځواب ورکول کېږي. سربېره پر دې یاد ډېټابېس د اکمال تخصص لوی ریاست او ټریني ډاکترانو تر منځ د اړیکو ټینګولو غوره وسیله ده، چې د درسي کرېکولم او تقویتي پروګرامونو په پلي کولو سره د ډاکټرانو د پوهي د کچې په لوړولو کې مهم رول درلودلای شي.

د یادولو وړ ده، چې د یاد ډېټابېس څخه د ګټې اخیستلو په برخه کې د ابن سینا بېړني روغتون ټولو ډاکترانو ته په عملي او نظري توګه د روزنې ورکولو سربېره هر کس ته User جوړ او د اکمال تخصص لوي ریاست مسؤلینو او د روغتیا نړیوال سازمان تخنیکي استازو په شتون کې یې له نوموړي ډېټابېس څخه عملاً ګټه واخیسته.