محترم مولوی عبدالولی حقانی معین عرضه خدمات صحی وزارت صحت‌عامه، در نشستی با رییسان شفاخانه های مرکزی دیدار نمود
در این دیدارعرضه خدمات صحی معیاری به شهروندان، رسیده گی به موقع به مشکلات صحی بیماران و تقویت نظام صحی مورد بحث و تبادل نظر صورت گرفت.
محترم مولوی عبدالولی حقانی معین عرضه خدمات صحی وزارت صحت‌عامه، ارایه خدمات صحی معیاری به شهروندان را وظیفه این وزارت گفته و از همه کارمندان صحی که خدمات صادقانه انجام میدهند ابراز قدردانی نمود وهمچنان کارکنان صحی را خدمت گذاران واقعی مردم خواند.
در ادامه این نشست معین عرضه خدمات صحی، از رییسان شفاخانه های مرکزی خواست تا در ارایه خدمات صحی معیاری به مردم به وظیفه خود عمل نمایند تا مشکلات صحی همه شهروندان حل و به بیماران به موقع رسیده گی شود.
همچنان معین عرضه خدمات صحی اضافه نمود، که وزارت صحت‌عامه تلاش می‌کند تا به منظور تقویت نظام صحی کشور از هر راه ممکن برعلاوه امکانات و تجهیزات موجود در حوزه صحی اقدامات لازم نماید تا زمینه عرضه خدمات صحی معیاری را برای مردم فراهم نماید.
