د افغانستان اسلامي امارت د عامې روغتیا وزیر، ښاغلي ډاکټر قلندر عباد، د نورستان ولایت مشرانو سره لیدنه ترسره کړه
د افغانستان اسلامي امارت د عامې روغتیا وزیر، ښاغلي ډاکټر قلندر عباد، د روغتیايي پراختیا او پالیسۍ مرستیال، ډاکټر محمد حسن غیاثي او د روغتیايي خدمتونو وړاندې کولو مرستیال، الحاج حبیب الله اخندزاده حامد له نورستان ولایت څخه راغلو مشرانو سره لیدنه ترسره کړه.
له نورستان ولایت څخه راغلو مشرانو د عامې روغتیا وزارت له رهبرۍ مننه وکړه، چې په تېرو دوو کلونو کې یې روغتیايي ستونزو ته رسېدنه شوې او د ناروغانو د درملنې په موخه یې نوي روغتیايي مرکزونه جوړ شوي دي.
د عامې روغتیا وزیر، ښاغلي ډاکټر قلندر ډاډ ورکړ چې د عامې روغتیا وزارت هڅه کوي؛ تر څو د هېواد ټولو نږدې او لرې پرتو سیمو کې هېوادوالو ته معیاري روغتیايي خدمتونه وړاندې کړي.
