وزارت صحت‌عامه، نشست آگاهی‌دهی عامه را در رابطه به مصوونیت و مراقبت از بیماران برگزار کرد
این مراسم تحت شعار "مراقبت مصوون برای هر نوزاد و هر طفل" برگزار گردید، که در آن رئیسان مرکزی وزارت صحت‌عامه، رئیسان شفاخانه‌های مرکزی، نماینده‌گان سازمان صحی جهان و کارمندان صحی اشتراک داشتند .
در این مراسم، داکتر وحدت الکوزی، رئیس عمومی طب معالجوی وزارت صحت‌عامه، بر اهمیت مصوونیت بیماران در شفاخانه‌ها تأکید نمود و آن را یک گام مهم در کاهش میزان مرگ‌ومیر بیماران، به‌ویژه نوزادان، عنوان کرد.
همچنان رئیس عمومی طب معالجوی، فعالیت‌های اجرا شده وزارت صحت‌عامه را در این بخش و پلان‌های آینده را نیز تشریح کرد.
در جریان این مراسم، داکتر آمین‌الله مومند، رئیس شفاخانه‌های تخصصی و ثالثی وزارت صحت‌عامه، از کارمندان صحی خواست تا توجه بیشتری به مصوونیت بیماران داشته باشند تا معیارهای تداوی بیش از پیش ارتقاء یابد.
در ختم این مراسم، مسوولان از بخش نوزادان ناروغان شفاخانه ملالی بازدید کرده و به کارمندان صحی هدایات لازم در مورد تأمین مصوونیت بیماران دادند.
