دیدار هیأت وزارت صحت عامه با رهبری شرکت سیلا هولډینګ در انقره
محترم مولوی عبدالولی حقانی، معین عرضه خدمات صحی وزارت صحت عامه، شیخ محمد طاهر حلیم رییس عمومی دفتر مقام وزارت صحت عامه، و هیئآت همراه، شان در جریان سفر به کشور ترکیه، با رئیس و هیئآت اداری شرکت "سیلا هولډینگ" دیدار نمودند.
این نشست که در شهر انقره، پایتخت ترکیه برگزار شد، در آن مسئولین شرکت "سیلا هولډینگ" یک پریزنتیشن همه‌جانبه در مورد ساخت زیربناهای صحی و تولید تجهیزات صحی به هیئآت افغان ارائه نمودند. این شرکت از سال ۱۹۹۷ به این‌سو در این عرصه فعالیت‌های مهم داشته و دارای تجربۀ وسیع می‌باشد.
محترم معین عرضه خدمات صحی، از استقبال گرم و ارائه معلومات از سوی رئیس این شرکت ابراز تشکر نموده افزود: زیربناهای صحی مدرن و تجهیزات مجهز، پایه اساسی خدمات معیاری برای شفاخانه‌ها را تشکیل می‌دهد.
همچنان محترم معین تصریح کرد که وزارت صحت عامه، تلاش دارد تا نهادهای صحی کشور را با تکنالوژی نوین و تجهیزات عصری مجهز سازد.
