په هلمند کې د عامې روغتیا وزارت مرستیال د WHO، یونیسف او نورو مؤسسو له استازو سره ولیدل
د عامې روغتیا وزارت د روغتیایي خدمتونو وړاندې کولو مرستیال، ښاغلي مولوي عبدالولي حقاني هلمند ولایت ته د سفر په ترڅ کې د روغتیا نړیوال سازمان، یونیسف، ایمرجنسي ادارو او تطبیقونکو مؤسسو له استازو سره ناسته ترسره کړه
په دې ناسته کې د واکسین د پوښښ کچې ښه والي او اغېزمنتیا، د باکیفیته او معیاري خدماتو وړاندې کولو، د همغږۍ لا پیاوړتیا او روغتیایي خدمتونو ته د خلکو لاسرسي زیاتوالي په اړه بحث او خبرې ترسره شوې.
د روغتیایي خدمتونو وړاندې کولو مرستیال د واکسیناسیون کمپاینونو د لا مؤثریت او روغتیایي خدمتونو کیفیت لوړولو لپاره لا زیاته همغږي او ګډ کار اړین وباله او ویې ویل، عامې روغتیا وزارت ژمن دی، چې د هېواد ټولو برخو ته عادلانه روغتیایي خدمات ورسوي.
