لغمان، خوست، کونړ او دایکندي ولایتونو کې له یو شمېر درملتونونو، روغتیایي کتنځایونو، لابراتوارونو، کلینیکونو او د خوراکي توکو پلورنځیو څخه نظارت ترسره شو
دغه نظارت د یادو ولایتونو د عامې روغتیا مسؤلینو له لوري ترسره شو، چې پایله کې یې لغمان ولایت کې ۸۵ کیلو ګرامه درمل، خوست ولایت کې ۵ درملتونونه، ۵ لابراتوارونه د قانوني اسنادو نه درلودلو له امله وتړل شول او ۳۵ قلمه درمل راټول شول او کونړ ولایت کې هم ۳۹۳ کیلو ګرامه خوراکي توکي او ۳۲۰ کیلو ګرامه غیر الکولي مشروبات راټول او د له منځه وړلو په موخه مرکزي ګدام ته ولېږدول شول.
همداراز، دایکندي ولایت کې ۶ کلینیکونه د مسلکي کارکوونکو د نه شتون له امله وتړل شول او ۵۰ قلمه درمل، چې ټول وزن یې یو ټن کېږي، د یوې اوونۍ په ترڅ کې راټول او د یو شمېر مسؤلینو په شتون کې له منځه یووړل شول.
