د هېواد د درملتونونو د بیا ثبت پروژې لپاره ۶۰ تنو سروې کوونکو او ټیم مشرانو ته یو ورځنی روزنیز پروګرام ترسره شو
دغه روزنیز پروګرام د (لوګر، کندهار، زابل، ارزګان، هلمند، ننګرهار، لغمان، کونړ او نیمروز) ولایتونو سروې کوونکو او ټیم مشرانو لپاره په خوړو او درملو معینیت کې ترسره شو.
په دې پروګرام کې د هېواد د درملتونونو د سروې او بیا ثبت پروژې پېژندنه او د دې پروژې تخنیکي سیستم د خوړو او درملو معینیت د متخصصینو له لوري ګډونوالو ته وړاندې شو؛ ترڅو دوی وکولای شي د پروژې د تطبیق پرمهال یې په سمه توګه پلي کړي.
د یادونې وړ ده، چې د یادې پروژې د تطبیق پایله کې به د هېواد ټول درملتونونه سروې شي او جواز لرونکي درملتونونه به په الکترونیکي ډول بیا ثبت شي.
