د عامې روغتیا وزارت سترګو پاملرنې ګرځنده روغتیایي کمپونو خبرتیا!
د عامې روغتیا وزارت د سترګو پاملرنې ګرځنده ټیم به د ۱۴۰۴ کال د لیندۍ (قوس) له ۸مې نېټې څخه د قوس تر ۲۰مې نېټې پورې سمنګان ولایت ته په سفر کې اړمنو کسانو ته په لاندې برخو کې د سترګو روغتیایي خدمتونه وړاندې کړي:
* د سترګو د پردې (کترکت) ۳۰۰ جراحي عملیات
* د مطالعې لپاره د ۶۰۰ عدده د نږدې لید عینکو وېش
* د ۳۰۰۰ څخه تر ۴۰۰۰ تنو ناروغانو درملنه او ورته د لازمو درملو وېش
له همدې امله، هغو هېوادوالو څخه چې په سمنګان ولایت کې اوسېږي او د سترګو له ستونزو سره مخ دي، غوښتنه کېږي چې په ټاکل شوې موده کې د سمنګان ولایت د عامې روغتیا ریاست ته مراجعه وکړي او له دې وړیا روغتیایي خدمتونو څخه ګټه واخلي.
