د عامې روغتیا وزارت د پلان او پالیسۍ لوی ریاست له لوري د پراختیایي پروژو برخه کې د لا زیاتې همغږۍ په موخه ناسته ترسره شوه
په همدې موخه جوړه شوې ناسته کې د عامې روغتیا وزارت د روغتیایي پراختیا او پالیسۍ مرستیال ښاغلي ډاکټر محمد حسن غیاثي، د پلان او پالیسۍ لوی رئیس ډاکټر سید رسول منګل، د مقام دفتر مشاروینو او د عامې روغتیا وزارت د پراختیایي پروژو مسؤلینو ګډون کړی و.
د روغتیايي پراختیا او پالیسۍ مرستیال د ۱۴۰۴ مالي کال لپاره د ادارو د اړتیاوو او د پراختيايي پروژو عملياتي پلان چمتو کولو اړوند خبرې ترسره او له مسوولينو یې وغوښتل، چې په دې برخه ژر تر ژره لاس په کار شي.
په دې ناسته کې همداراز، د ادارو تر منځ په لا زیاتې همغږۍ ټینګار وشو، او د تدارکاتو ریاست مسوولینو لخوا ګډونوالو ته د اړتیاوو چک لیست تشریح شو، چې له مخې یې د پراختیایي پروژو اړتیاوې وړانديز کړي، ترڅو پر ټاکلي وخت ورته رسېدنه وشي.
دغه راز، د پراختیایي پروژو مسوولینو د خپلو وړاندیزونو او نظرونو ترڅنګ ژمنه وکړه، چې په دې برخه کې به د عامې روغتیا وزارت سره بشپړه همکاري کوي.
