د افغانستان اسلامي امارت د عامې روغتیا وزیر ښاغلي ډاکټر قلندر عباد قطر هيواد ته د خپل رسمي سفر په جریان کې د افغانستان لپاره د جایکا JICA ادارې له مسؤول سره ليدنه تر سره کړه
په دې لیدنه کې پر اوږمهاله او اغیزمنو روغتیایي خدماتو بحث او خبرې تر سره شوې.
ښاغلي عباد وویل دا چې اوس افغانستان کې امن دی ، د هيواد هرې ولسوالۍ او کلي ته د تګ زمینه برابره شوې ده نو اړتیا ليدل کيږي چې اوس ټولو افغانانو ته په عادلانه ډول خدمات وړاندې شي.
ښاغلي وزير زياته کړه په هيواد کې بايد داسې پروژې چې لنډ مهاله او اغیز یې کم وي بايد په داسې پروژو چې د خلکو ستونزو ته رسيده ګي وکولای شي ، روغتيايي خدمات په کې دوامدار او ثابت وي او د ولسونو اړتیا پوره کړای شي ، پرې غور وشي او عملي شي.
