د افغانستان ا.ا د عامې روغتیا وزیر، ښاغلي مولوي نور جلال جلالي په خپل کاري دفتر کې د فراه والي، ملا محمد حافظ مجاهد سره ناسته ترسره کړه
په دغه ناسته کې فراه ولایت کې د روغتیايي خدمتونو پراختیا، خلکو ته د لا غوره روغتیايي خدمتونو وړاندې کولو او شته ستونزو حل په اړه بحث او خبرې ترسره شوې.
همدارنګه، د فراه والي د عامې روغتیا وزارت له پاملرنې او همکارۍ څخه د مننې ترڅنګ په دغه ولایت کې روغتیا برخې ته د لا زیاتې پاملرنې غوښتنه وکړه؛ څو روغتیایي خدمات پراخ او د ناروغانو اړتیاوې پوره کړي.
د عامې روغتیا ښاغلي وزیر د فراه والي ته د روغتیايي خدمتونو د پراختیا، شته ستونزو حل او اړینو اسانتیاوو برابرولو ډاډ ورکړ او ویې ویل: عامې روغتیا وزارت ژمن دی، چې په ټول هېواد کې خلکو ته لازم او عادلانه روغتیایي خدمات وړاندې کړي.
