خوست کې له یو شمېر خوراکي توکو پلورنځیو او د مالګې د تولید له فابریکو څخه نظارت تر سره شو
یاد نظارت، چې د عامې روغتیا ریاست د خوراکي تاسیساتو څخه د څارنې ټیم له لوري تر سره شو، پایله کې یې د خوست په مرکز متون ښار کې د خوراکي توکو له پلورنځیو څخه یو اندازه له نېټې تېر خوراکي توکي راټول او د له منځه وړلو په موخه د خوست د عامې روغتیا ریاست ته ولېږدول شول.
همداراز، د مالګې د تولید له اته کارخونو څخه نظارت تر سره شو، چې پایله کې یې ۴ فابریکې د غیر معیاري خدماتو او د جوازونو د نه شتون له امله وتړل شوې او اړوندو مسؤلینو ته د روغتیايي کارتونو تر لاسه کولو او حفظ الصحې اړوند لازمې سپارښتنې وشوې.
