هرات، کاپیسا او بلخ ولایتونو کې له یو شمېر فابریکو، خوراکي توکو پلورنځيو او روغتونونو څخه نظارت تر سره شو
یاد نظارت چې د عامې روغتیا مسؤلینو له لوري تر سره شو، پایله کې یې هرات ولایت کې ۲۹ پاکټه غیر مجاز توکي او ۸۶ بیلره خوراکي مواد او د کاپیسا ولایت په تګاب ولسوالۍ کې ۱۰۰ کیلوګرامه غیر معیاري خوراکي مواد راټول او د له منځه وړلو په موخه مرکزي ګدام ته ولېږدول شول.
همداراز، بلخ ولایت کې د یو خصوصي روغتون عملیات خونه، یو لابراتوار او د جوس د تولید یوه فابریکه له روغتیايي قوانینو څخه د سرغړونې له امله وتړل شوه.
