۱۰۰ تنه اچار پلورونکو ته د حفظ الصحې مراعت په موخه یو ورځنی ورکشاپ ورکړل شو
د عامې روغتیا وزارت د خوړو او درملو معینیت له لوري کابل ښار کې ۱۰۰ تنه د اچارو تولیدي شرکتونو مسئولینو او پلورونکو ته د حفظ الصحې مراعت او ناروغیو مخنیوي په موخه یو ورځنی روزنیز پروګرام ورکړل شو.
په دې روزنیز پروګرام کې د اچار تولیدي شرکتونو مسئولینو او اچار پلورونکو ته د معیاري اچار جوړولو او حفظ الصحې مراعت په موخه د ټرینرانو له لوري هر اړخیز معلومات د یو ترتیب شوي پریزینټیشن له لارې ورکړل شو، چې موخه یې راتلونکي کې له همدې ورکشاپ څخه په زده کړې، معیاري اچار تولید او په دې برخه کې حفظ الصحې ته پاملرنه وشي، څو له همدې لارې د رامنځته کېدونکو ناروغیو مخه ونیول شي.
