د ا.ا.ا د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او مل تخنیکي ټیم پروان ته د سفر په ترڅ کې د دې ولایت له والي، ښاغلي محمد ادریس انوري سره ناسته وکړه
په دې ناسته کې د پروان ولایت روغتیايي خدماتو ښه والي او شته ستونزو د حل په موخه بحث او خبرې ترسره شوې، چې په کې د پروان والي، د روغتیايي خدماتو ښه والي په موخه یو شمېر غوښتنې د روغتیايي خدمتونو وړاندې کولو له مرستیال سره شریکې او د لا زیاتې پاملرنې غوښتنه یې وکړه.
ښاغلي مرستیال، د نوموړي غوښتنې واورېدې او امکاناتو ته په کتو یې شریکو شویو وړاندیزونو ته د رسېدنې ډاډ ورکړ.
