د ا.ا.ا د عامې روغتیا وزارت د رهبرۍ بورډ درویشتمه ناسته تر سره شوه
دا ناسته د عامې روغتیا وزیر، ښاغلي مولوي نور جلال جلالي په مشرۍ د وزارت د مرستیالانو او مرکزي رئیسانو په شتون کې ترسره شوه.
په دې ناسته کې د وزارت د مقام د حکمونو، لارښوونو د تعقيب په اړه بحث او خبرې تر سره او هم د تېرې ناستې پر مهال د سپارل شويو مسؤلیتونو په اړه د وزارت له رهبرۍ سره معلومات شريک شول.
د عامې روغتیا وزیر، مسؤلینو ته د چارو لازم ترسراوي، ستونزو او نیمګړتیاوو د حل په اړه اړينې سپارښتنې ترسره او د ذکر شویو موضوعاتو اړوند يې په عملي اجراآتو ټينګار وکړ. همدارنګه ښاغلي وزير لارښوونه وکړه، چې ټولې چارې دې پر ټاکلي وخت او سمه توګه ترسره شي.
دغه راز، د عامې روغتيا وزارت مرستیالانو او مرکزي رئیسانو د چارو ښه والي په موخه خپل نظرونه او وړانديزونه شريک او ژمنه يې وکړه، چې د ورسپارل شويو مسؤلیتونو برخه کې به لازم اقدامات تر سره کوي.
