د عامې روغتیا وزارت د روغتیایي خدمتونو وړاندې کولو مرستیال، ښاغلي مولوي عبدالولي حقاني خصوصي روغتونونو ته د اعتبار ورکولو او درجه بندۍ له سروې کوونکو سره ناسته ترسره کړه
په دې ناسته کې د عامې روغتیا وزارت د معالجوي طب لوی رئیس ډاکټر وحدت الکوزي، د وقایوي طب لوی رئیس ډاکټر حیدر خان حیدر، د خصوصي سکتور د تنظیم او همغږۍ رئیس ډاکټر احمد خندان، د لومړنیو روغتیايي خدمتونو رئیس ډاکټر ذبیح الله حارث او روغتیایي مرکزونو د اعتبار ورکولو ملي ادارې اجرائیوي رئیس مولوي سیف الله معاویه ګډون درلود.
د روغتیایي خدمتونو وړاندې کولو مرستیال، ښاغلي مولوي عبدالولي حقاني روغتونونو ته د اعتبار ورکولو او درجه بندۍ پروسه کې پر بشپړ شفافیت ټینګار وکړ او ویې ویل:( روغتونونو ته د اعتبار ورکولو او درجه بندۍ چارې باید له معیارونو سره سمې او د حقایقو پر بنسټ ترسره شي؛ تر څو د روغتیایي خدمتونو کیفیت لوړ، د ناروغانو خوندیتوب ډاډمن او پر خدماتو د خلکو باور لا زیات شي.
