د میدان وردګ ولایت د عامې روغتیا ریاست لپاره رئیس معارفي شو
د افغانستان اسلامې امارت د ریاست الوزراء محترم مقام د حکم له مخې ډاکټر رسول خان نظري د میدان وردګ ولایت د عامې روغتیا رئیس په توګه وګمارل شو
په همدې موخه جوړو شویو مراسمو کې د عامې روغتیا وزارت د مقام د دفتر رئیس، ښاغلي مولوي محمد حسن محمدزي وویل، تغیر او تبدیل او له احکامو پیروی د نظام مهم اصل دی او د افغانستان اسلامي امارت د ریاست الوزراء محترم مقام د حکم له مخې یې د کاري چارو ښه والي په موخه ډاکټر رسول خان نظري چې پخوا یې د غزني د عامې روغتیا رئیس په توګه دنده ترسره کوله د میدان وردګ ولایت د عامې روغتیا رئیس په توګه د یاد ریاست کارکوونکو ته ورپېژنده.
