د فراه ولایت د عامې روغتیا ریاست د څارنې او پلټنې امریت په تېره یوه میاشت کې له ۱۴۶ روغتیایي تاسیساتو، درملتونونو او د خوراکي توکو پلورنځیو څخه نظارت ترسره کړی دی
یاد نظارت چې د فراه ښار له بېلابېلو سیمو څخه ترسره شوی، په پایله کې ۱ لابراتوار، ۵ درملتونونه، یو د ایکسری مرکز، ۵ د وینځلو توکو تولیدي شرکتونه، یو د اوړو تولیدي شرکت او یو د خوراکي توکو تولیدي شرکت له روغتیایي قوانینو څخه د سرغړونې او غیر قانوني فعالیتونو له امله وتړل شول.
سربېره پر دې، د نظارت په ترڅ کې ۲۱۰ کیلو ګرامه خوراکي توکي او ۱۵۰ کیلو ګرامه له نېټې تېر درمل راټول او د له منځه وړلو په موخه مرکزي زیرمتون ته ولېږدول شول.
