جوزجان، پکتیا، دایکندي، فراه او ننګرهار ولایتونو کې له یو شمېر روغتیایي مرکزونو، درملتونونو او د درملو عمده پلورنځیو څخه نظارت ترسره شو
دغه نظارت د عامې روغتیا ریاستونو د څارنې او پلټنې مسؤلینو له لوري ترسره شو، چې پایله کې یې جوزجان ولایت کې ۴۷ قلمه له نېټې تېر درمل، پکتیا ولایت کې هم شاوخوا ۴۷ قلمه له نېټې تېر درمل، دایکندي ولایت کې ۵۰ قلمه له نېټې تېر درمل، فراه ولایت کې هم ۵۰ قلمه له نېټې تېر درمل راټول او د له منځه وړلو په موخه ټاکل شويو ځایونو ته ولېږدول شول.
همداراز، فراه ولایت کې دوه درملتونونه او یوه اکسری خونه او ننګرهار ولایت کې یو روغتیایي مرکز له روغتیایي قوانینو څخه د سرغړونې له امله وتړل شول؛ ترڅو د بې کیفیته او غیر معیاري خدماتو مخنیوی وشي.
