د عامې روغتیا وزارت د اکمال تخصص لوی ریاست مسؤلینو د تخصصي او ثالثي روغتونونو د بېلا بېلو ډیپارټمنټونو له شف مسؤلینو سره ناسته تر سره کړه
د دې غونډې موخه د عامې روغتیا وزارت د اکمال تخصص لوی ریاست د اړتیاوو او لومړیتوبونو سره سم د یو غوره او واحد پروپوزل چمتو کول وو، په کوم کې چې قطر او هندوستان هېوادونه غواړي د عامې روغتیا وزارت سره همکاري وکړي.
په دې غونډه کې، د ډیپارټمنټونو شف مسؤلینو د اکمال تخصص لوی ریاست په بېلا بېلو برخو کې د ټولنې د اوسني لومړیتوبونو سره سم د اکمال تخصص لوی ریاست د اړتیاوو په اړه خپل نظرونه او وړاندیزونه شریک کړل، ترڅو له دې نظرونو راټولولو وروسته د اوسنیو اړتیاوو سره سم، یو جامع او غوره پروپوزل چمتو او د هند او قطر هېوادونو سره د راتلونکو اجرااتو په موخه شریک شي.
د عامې روغتیا وزارت د اکمال تخصص لوی ریاست هڅه کوي، چې تخصصي برخه له نړیوالو معیارونو سره سم برابره او د هېواد دننه او بهر ډاکټرانو ته غوره تعلیمي او مسلکي فرصتونه چمتو کړي، ترڅو هغه تخصصي خدمات چې خلک ورته اړتیا لري، وړاندې شي.
