زابل کې ۳۲ تنه روږدي کسان له څلور میاشتنۍ درملنې وروسته خپلو کورنیو ته وسپارل شو
په همدې موخه جوړو شویو مراسمو کې د زابل عامې روغتیا رئیس، ډاکټر میرویس افغان د یادو ناروغانو په درملنه خوښي څرګنده او ویې ویل، هڅه کوو چې د روږدو ناروغانو درملنې برخه کې لا زیاتې اسانتیاوې برابرې کړو او په دې برخه کې د عامې روغتیا وزارت له لوري عملاً هڅې روانې دي.
د یادونې وړ ده، چې له تېرو دوو کلونو راهیسې د زابل عامې روغتیا ریاست له لوري په دغه ولایت کې د ۸۰۰ روږدو ناروغانو درملنه شوې او اوس هم یاده لړۍ دوام لري.
