د ننګرهار عامې روغتیا رئیس مولوي امین الله شریف د عامې روغتیا وزارت د توبرکلوز کنټرول پروګرام مسؤلینو سره وکتل
په یاده لیدنه کې یو شمېر مسؤلینو، د موسسؤ او روغتیا نړیوال سازمان استازو او مل تخنیکي ټیم حضور درلود، چې په کې د توبرکلوز کنټرول، درملنې او تشخیص برخه کې د ستونزو پر حل خبرې ترسره او د خدماتو په لا ښه والي ټینګار وشو.
ښاغلي شریف تورخم کې د بېرته راستنېدونکو هېوادوالو د توبرکلوز معاینې سیمه ایز روغتون کې د توبرکلوز څانګې او د MDR وارډ ستونزې له اړوندو مسؤلینو سره شریکې او د حل غوښتنه یې وکړه.
