د عامې روغتیا وزارت اړوند، د مرکز کابل په ۱۰۲ بستریز روغتون کې د خوارځواکو ماشومانو د درملنې څانګه پرانیستل شوه
په همدې موخه جوړو شوو مراسمو کې د عامې روغتیا وزارت د روغتیايي خدمتونو د وړاندې کولو مرستیال، ښاغلي مولوي عبدالولي حقاني، د دې وزارت د مرکزي ریاستونو یو شمېر رئیسانو او ګڼ شمېر روغتیا پالانو ګډون درلود.
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني په ۱۰۲ روغتون کې د خوارځواکو ماشومانو د درملنې څانګې په جوړېدو خوښي څرګنده کړه او د یادې څانګې پرانیسته یې د روغتیايي خدمتونو په کیفیت لوړولو په تېره بیا د خوارځواکو ماشومانو د درملنې په برخه کې مهم ګام وباله او د یاد روغتون له پرسونل یې وغوښتل، چې د نورو برخو ترڅنګ دې برخې ته هم ځانګړې پاملرنه وکړي؛ ترڅو د ناروغانو معیاري درملنه وشي.
د یادونې وړ ده، چې یاده څانګه د روغتیا نړیوال سازمان په مالي لګښت جوړه شوې او شل بستره لري.
