په بلخ ولایت کې د شنو نیالګیو د ايښودلو کمپاین
د بلخ ولايت د عامې روغتيا رئيس، الحاج رحمت الله منصور د شنو نيالګيو د اېښودلو د کمپاين په ترڅ کې چې د عامې روغتیا وزارت د مشرتابه له لوري د ''يو روغتيايي کارکوونکی يو ونه'' تر شعار لاندې پيل شوی و، ونډه واخیسته او د دې ولایت اړوند، دولت اباد ولسوالۍ پنځوس بستريز روغتون په محوطه کې یې د چاپېريال ساتنې، د ناروغیو څخه د مخنیوي او ښکلا په موخه يو شمېر نيالګي کښېنول.
نوموړي د ټولو هېوادوالو څخه وغوښتل، تر څو په یاد کمپاین کې ګډون وکړي او د یو یو نیالګي په کښېنولو سره د چاپېریال د ښکلا تر څنګ د ناروغیو د خپرېدو مخه ونیسي.
