پاک لاسونه؛ د ناروغیو د مخنیوي ساده لار

لاسونه د میکروبونو د لېږد له مهمو لارو څخه دي؛ په منظم ډول د لاسونو مينځل د ساري ناروغیو، په ځانګړي ډول د تنفسي او نس ناستې ناروغیو، د خپرېدو په کمولو کې مرسته کوي.

خپل لاسونه په منظم ډول په اوبو او صابون ومينځئ، په ځانګړې توګه لاندې پنځو وختونو کې:

- ۱ـ د خوړو تیارولو مخکې

- ۲ـ د خوړو له خوړلو یا ماشوم ته د خوړو ورکولو مخکې

- ۳ـ  له حاجت رفع کولو څخه وروسته

- ۴ـ له ټوخي، پرنجي او پوزې پاکولو وروسته

- ۵ـ کله چې لاسونه مو ښکاره چټل وي

يادونه: کله چې لاسونه ښکاره چټل نه وي، د الکول پر بنسټ د لاسونو پاکوونکی محلول هم د لاسونو پاکولو اغېزمنه وسیله ده.

پاک لاسونه، سالمه کورنۍ او سالمه ټولنه!

د عامې روغتیا وزارت

د ویاندویۍ، اطلاعاتو او عامه اړیکو ریاست!