د عامې روغتیا وزارت له لوري د ننګرهار او پروان ولایتونو د روغتیايي خدمتونو د پیاوړتیا په موخه له PUAMI مؤسسې سره تړون لاسلیک شو

د عامې روغتیا وزارت له لوري د ننګرهار او پروان ولایتونو اوسېدونکو لپاره د روغتيايي خدمتونو پياوړتيا او پراختيا په موخه له Premiere Urgence Aid Medical International- PUAMI مؤسسې سره د (۲۷۱۷۷۴) دوه سوه یو اویا زره اووه سوه څلور اویا ډالرو په ارزښت تړون لاسليک شو

دا تړون د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د نهه میاشتو لپاره لاسليک شو، چې له مخې به یې د ننګرهار په کوټ ولسوالۍ د دوه فرعي روغتیايي مرکزونو او د پروان ولایت په شینواري ولسوالۍ د یو فرعي روغتیايي مرکز له لارې (۱۵۲۸۰) تنه په مستقیم ډول او (۳۳۲۰) تنه په غیر مستقیم ډول له اساسي روغتیايي خدماتو برخمن او (۴۳) تنو ته به په روغتیايي برخه کې د کار زمينه هم برابره شي.

بل لور، د PUAMI مؤسسې استازو هم ډاډ څرګند کړ، چې ياده پروژه به د نهو میاشتو په ترڅ کې له ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.