د عامې روغتیا وزارت د سترګو پاملرنې ګرځنده روغتیایي کمپونو خبرتیا!
د عامې روغتیا وزارت د سترګو پاملرنې ګرځنده ټیم به د ۱۴۰۴/۱۰/۲۰ نېټې څخه تر ۱۴۰۴/۱۱/۲ نېټې پورې خوست ولایت ته سفر وکړي او اړمنو کسانو ته په لاندې برخو کې د سترګو روغتیایي خدمتونه وړاندې کړي:
* د سترګو د پردې (کترکت) ۳۵۰ جراحي عملیات
* د مطالعې لپاره د ۶۰۰ عدده د نږدې لید عینکو وېش
* د ۴۰۰۰ څخه تر ۵۰۰۰ تنو ناروغانو درملنه او ورته د لازمو درملو وېش
له همدې امله، هغو هېوادوالو څخه چې په خوست ولایت کې اوسېږي او د سترګو له ستونزو سره مخ دي، غوښتنه کېږي چې په ټاکل شوې موده کې د خوست ولایت د عامې روغتیا ریاست ته مراجعه وکړي او له دې وړیا روغتیایي خدمتونو څخه ګټه واخلي.
