د عامې روغتیا وزیر پکتیا ولایت کې له روغتیايي مسؤلینو، روغتیايي پرسونل او خصوصي سکتور له استازو سره وکتل
د عامې روغتیا وزیر، ښاغلي مولوي نور جلال جلالي پکتیا ولایت ته د سفر په ترڅ کې د دې ولایت له روغتیايي مسؤلینو، روغتیايي پرسونل او خصوصي سکتور له استازو سره وکتل
په دې کتنه کې، چې د پکتیا د عامې روغتیا رئیس، ډاکټر معراج ګل یې هم ملتیا کوله د مسؤلینو له لوري د روغتیا په برخه کې شته ستونزې په ځانګړې توګه د جدي پاملرنې خونو ته د اړینو طبي تجهیزاتو برابرېدو، روغتونونو ته د درملو او نورو اړینو طبي توکو رسولو، روغتیايي پرسونل د کمښت او د درملو د کیفیت برخه کې شته ستونزې د وزارت له رهبرۍ سره شریکي شوي، چې په اړه یې د لازمو اقداماتو ترسره کېدو ډاډ ورکړل شو.
د عامې روغتیا وزیر له لوري همداراز روغتیايي کارکوونکو ته د ناروغانو ستونزو ته د بشپړې رسېدنې او درملنې برخه کې لازمې سپارښتنې ترسره شوې.
